Xalqaro valyuta jamg'armasi rahbari davlatlarni hamkorlikka chorladi

  • Amerika Ovozi

Kristin Lagard, Xalqaro valyuta jamg'armasi Bosh direktori

Kristin Lagard, Xalqaro valyuta jamg'armasi Bosh direktori

Xalqaro valyuta jamg’armasi rahbari Kristin Lagardning aytishicha, iqtisodiy o’sishning sekinlashishiga sabab bo’lgan global iqtisodiy muammolarni yengish uchun barcha mamlakatlar hamkorlik qilishi zarur.

O’sish ko’pdan beri past nuqtada turib qolgan, natijada bu ayrim mamlakatlarda ijtimoiy va siyosiy vaziyatga ta’sir qilmoqda, deydi u.

"Hushyor bo’laylik. Iqtisodiy o’sishni qo’ldan boy berdik. Agar siyosatchilarimiz muammolarga qarshi kurashda birgalashib ishlasa, ijobiy natijaga erishamiz”, - deydi jamg’arma ijrochi direktori.

Kristin Lagardning aytishicha, dollarning kuchaygani AQShda iqtisodiy o’sishni sekinlashtirib qo’ydi, yevro bilan muomala qiladigan mamlakatlarda esa sarmoyalar pasayib ketgan, ishsizlik yuqorilamoqda, o’sishning sekinlashgani va inflyatsiya Yaponiya iqtisodiyotiga zarar yetkazmoqda.

Muammolar bilan birga Lagard yutuqlarni ham sanab o’tdi - Hindistonda o’sish yuksaldi, aholi daromadi oshdi; Indoneziya, Malayziya, Filippin, Tailand va Vyetnamda ham ahvol yaxshi.

Lagardning aytishicha, Qo’shma Shtatlar eng kam ish haqini o’shirishi, kam daromadli fuqarolar uchun soliq imtiyozlarini kengaytirishi lozim, yevrozona a’zolari esa yoshlarga ish topishda yordam berishi kerak.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG