Qozog'iston Afg'onistonga harbiylarini jo'natmoqchi emas


Qozog'iston harbiylari, NATO tinchlikparvar kuchlari safida, Afg'onistonga safarbar etilishi mumkin degan xabarlarni Tashqi ishlar vaziri Qosimjomart Tokayev inkor etmoqda.

Qozog’istondagi afg’on urushi qatnashchilari tashkiloti, “Jangavor Birdamlik” rahabariyatiga ko`ra, Qozog`iston mudofaa vaziriligi vakillari Afg`oinistonda bo`lib qaytgan.

Safardan maqsad Afg`onistonga yuborilishi ko`zda tutilgan 200 qozoq askarini joylashtirish shart-sharoitlari bilan tanishish bo`lgan.

“Jangavor Birdamlik” tashkiloti matbuot anjumani o`tkazib, Qozog`iston harbiylarini Afg`onistonga yubormaslik haqida parlamentga murojaat qabul qilmoqchi.

Afg`on urushi qatnashchilari nazarida Qozog`iston Afg`onistonga insonparvarlik yordami ko`rsatish bilan cheklanishi kerak.

Janubiy qoizog`istonlik ekspert Aleksey Gancharovning aytishicha, bu masala qozoq matbuotida keng yoritilmagan. Bunday tahsabbusning yaqin orada amalga oshishi esa ehtimoldan yiroq.

“Qozog`iston BMTga a`zo. BMT vakolatidagi harakatlarda qatnashishi mumkin, lekin bu masalani baribir parlament tasdiqlashi kerak. Hozircha parlamentda bunday masala ko`rilayotgani yoq, lekin lozim topilsa Afg`onistonga yuboriladigan odamlar topiladi. Qozog’iston o`z harbiylari bilan qatnashishi mumkin”, - deydi Gancharov.

Aleksey Gancharov Markaziy Osiyo respublikalari harbiylarining tinchlikparvar kuchlar tarkibiga jalb qilinishini tanqidiy baholaydi.

Afg’onistonda mintaqadagi turli millat vakillarining istiqomat qilishi bois, deydi mutaxassis, bu harakat pushtunlar tomonidan noto`g`ri tushuniladi. Uning fikriga ko’ra, Afg`onistonda bu mintaqada mutlaqo yashamaydigan millatlarga mansub harbiylar faoliyat yuritishi maqsadga muvofiq.

O`zbekistondagi afg`on urushi qatnashchilari uyushmasi raisi Tal’at Murodov ta’biricha, Qozog`iston harbiylarining jangovar amaliyotlarda qatnashishi amrimahol. Qozog’iston xalqi harbiylarini urushga jo’natishga yo’l qo’ymaydi, deydi u.

Siyosatshunos Farxod Tolipov nazarida ko`tarilayotgan tashabbus shubhasiz ijobiy. Bu bilan mintaqa davlatlari katta geosiyosiy tuzilmadagi harakatga o`z hissasini qo`shadi. Markaziy Osiyo davlatlari uchun katta tajbira bo`ladi.

“Buni faqat Qo`zo`giston kuchlari deb tushunish kerak emas. Qozog’iston bir vaqtning o`zida Markaziy Osiyoning vakili bo`lib ham ishtirok etadi. Xalqaro hamjamiyatda Markaziy osiyoliklar ham hissa qo`shayapti degan fikr paydo bo`ladi. Bundan tashqari shimoliy viloyatlarda bizga yaqin xalqlar yashaydi. O`ylaymanki bunday yordam ular tomonidan ham ijobiy kutib olinsa kerak”, - deydi Tolipov.

Qozog`iston harbiylarining Afg`onistondagi tinchlikparvar kuchlar tarkibida qanday vazifalar bajarishi yoki bu tashabbus mavjudligini tasdiqlovchi rasmiy ma`lumotlar yoq.

XS
SM
MD
LG