Qirg'iziston Bosh vaziri etib Qishloq xo'jaligi vaziri tayinlanishi mumkin

  • Amerika Ovozi

Qirg’iziston prezidenti Kurmanbek Bakiyev mamlakat Bosh vaziri lavozimiga Qishloq xo’jaligi vaziri Azim Isabekov nomzodini taklif qildi.

Avvalroq Bakiyev bu vazifaga sobiq hukumat rahbari Feliks Kulov nomzodini parlament tasdi’gi uchun ikki marotaba kiritgan edi, biroq parlament prezidentning taklifini rad etdi.

Feliks Kulov konstitutsiyaviy o’zgarishlardan norozi bo’lib, bir oy avval lavozimidan ketgan edi. Prezident Bakiyev o’tgan yilning noyabr oyida xalq talabi bilan yangi konstitutsiyani imzoladi. Biroq oradan ko’p o’tmay mamlakatda prezident vakolatlarini kengaytiruvchi hujjat qabul qilindi.

Qirg’iziston Konstitutsiyasiga ko’ra, parlament prezidentning bosh vazirlikka taqdim etgan nomzodini uch marta qaytarsa, davlat rahbari parlamentni tarqatib yuborishi mumkin.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG