Mira Ridman xalqaro inson huquqlari tashkiloti – Human Rights Watchning O`zbekistondagi xodimi edi. O`zbekistondagi dasturlarni Andrea Berg boshqaradi. Biroq Andrea Bergning akkreditatsiyasi uzaytirilmagan va u mamlakatdan chiqib ketgan.
Mira Ridmanning O`zbekistonda xizmat muddati yakshanba kuni tugaydi.
Berg xonimning aytishicha, O`zbekiston Tashqi ishlar vazirligi Mira Ridmanning vizasi nima uchun uzaytirilmagani haqida izoh bermagan.
“Biz O`zbekistonda ishlashda davom etamiz. Afsuski, hozir vaziyat shunaqa. Xodimimizning vizasi uzaytirilmadi. O`zbekiston Adliya vazirligi unga ishlash uchun akkreditatsiya bermadi”, - deydi Andrea Berg.
Uning so’zlariga qaraganda, shu yil kuzdan boshlab O`zbekistonda tashkilotning vakili bo'ladi. “Yaqin orada biz ofisni yopmaymiz", - deydi Andrea Berg.
Human Rights Watch O`zbekistonda inson huquqlari bo`yicha faoliyat yuritayotgan yagona tashkilot.
O`zbekiston Tashqi ishlar vazirligi tashkilotning inson huquqlari bo`yicha hisobotlarini noxolis deb hisoblaydi.
