AQSh prezidentlikka nomzod tanlash bilan ovora


AQSh prezidentligiga nomzodlarni saralash bo’yicha 24 shtatda o’tgan saylov va yig’inlarda demokratlardan Xillari Klinton g’alaba qozongan.

Respublikachi nomzodlar orasida esa senator Jon Makkeyn oldinda bormoqda.

Jon Makkeyn Nyu-York, Nyu-Jersi, Kaliforniya va qator boshqa shtatlarda g’alaba qilgan.

Uning raqiblari – Mitt Romni va Mayk Hakabi – hozircha poygani tark etmoqchi emas.

Demokrat nomzodlar orasida yetakchi Xillari Klintonga 8 shtat saylovchilari yuqori baho bergan. Jumladan lotin-amerikalik saylovchilar hamda xotin-qizlar.

Har bir shtatda erishilgan g’alaba natijasiga qarab, prezidentlikka nomzodlarga delegatlar tayinlanadi. Ular esa, o’z navbatida, partiyadan yagona nomzod kim bo’lishini belgilaydi.

Klintonga raqib Barak Obamani 13 shtat ma’qullagan.

Biroq u Klintonchalik ko’p vakil yig’a olmagan. Klinton hozirgacha 783 vakilga ega. Obama esa 709.

Demokratik nomzod bo’lish uchun 2025 delegat ovozini olish kerak. Respublikachi nomzod esa – 1191.

Hozircha har ikki partiya – demokratlar va respublikachilar – prezidentlikka yagona nomzodni tanlash bilan band. Ular aniqlangach, asosiy poyga boshlanadi.

XS
SM
MD
LG