Tolibon O'zbekistondan keladigan elektr tarmog'ini portlatdi

  • Amerika Ovozi

Kobul ko'chalarida

Kobul ko'chalarida

Afg'on rasmiylarining ma'lum qilishicha, Tolibon O'zbekistondan keladigan elektr tarmog'ini portlatib, bir necha viloyat, xususan, Kobulni elektr tokisiz qoldirgan.

Milliy energetika kompaniyasi raisi Mirvois Alimiyning aytishicha, Bag'lon viloyatida kechasi yuz bergan hujumda bir necha elektr simyog'ochiga jiddiy zarar yetgan. Shuningdek, hudud minalashtirilgani bois afg'on xavfsizlik kuchlari kelib, xavfni bartaraf etmaguncha, kompaniya xodimlari ta'mirlash ishlarini boshlay olmagan.

Xuruj natijasida poytaxt Kobul uchun kerakli 650 megavatt elektr tokining 280 megavatti uzilib qolgan.

Elektr tarmoqlariga hujum afg'on askarlari Bag'lon viloyatining Tolibonga boy berilgan poytaxti Puli Kumri shahrini qaytarib olish uchun amaliyot boshlagan bir paytda ro'y berdi. Mahalliy rasmiylarning aytishicha, to'qnashuvlarda kamida 20 odam o'lgan, aksariyati jangarilar.

Shuningdek, Hilmand viloyatida minalarni zararsizlantirayotgan to'rt mutaxassis Tolibon hujumiga uchrab, halok bo'lgan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG