Breaking News

Hukumat qaroridan norozi afg'on parlamenti yordam uchun BMTga murojaat etmoqda


Saylovlardagi qonunbuzarliklarni taftish qilgan hay'at majlisi, Kobul, 23-iyun, 2011-yil
Saylovlardagi qonunbuzarliklarni taftish qilgan hay'at majlisi, Kobul, 23-iyun, 2011-yil

Afg'oniston prezidenti Hamid Karzay qaroriga ko'ra tuzilgan maxsus hay'at o'tgan yilgi parlament saylovlarida ovozlarni soxtalashtirish hollari qayd etilganini aniqlab, qonunchilik organiga kirgan 62 deputatni mandatidan ayirgan. 249 o'rinli parlament hukumat qaroridan norozi bo'lib, Birlashgan Millatlar Tashkilotidan bu ishga aralashishni so'ramoqda.

Ammo prezident matbuot kotibi Vohid Umarning aytishicha, masala Afg'oniston ichki ishi bo'lib, unga chetdan aralashish yaramaydi, suverenitetni poymol etish deya baholanadi. Muxolifat nazarida prezident Karzay hay'atni parlamentda raqiblaridan qutulish maqsadida tuzgan.

Qonunchilar Oliy Sudni hay'atni noqonuniy deb topib, tarqatib yubormaganlikda ayblab, uning besh sudyasini shanba kuni ishdan olishga ovoz bergan.

Bu o'rtada sharqdagi Qunduz viloyatida afg'on va koalitsiya askarlari ayollar yuz-badanini yopuvchi burqa kiygan jangarini qo'lga olgan. Uning O'zbekiston Islomiy Harakati yetakchilaridan biri ekani aytilmoqda. NATOga ko'ra, u afg'on askarlari va politsiyasiga qarshi xurujlarni rejalashga mas'ul bo'lgan.



  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG