Afg'on qonunchilari: Hukumat xalqqa xizmat qilsin

  • Amerika Ovozi

Prezident Ashraf G'ani va Bosh vazir Abdulla Abdulla

Prezident Ashraf G'ani va Bosh vazir Abdulla Abdulla

Afg'onistonda parlament o'z qudratini namoyish etib, uch vazirni, jumladan tashqi ishlar vazirini ishdan olgan.

Sabab oddiy, deydi qonunchilar, bu vazirlar o'z ishini eplolmagan. Bu vazirliklarga ajratilgan mablag' uvol bo'lgan, vazifalar bajarilmagan.

Kelasi hafta har kuni uch vazir parlamentga hisobot berib, ishini asoslashi shart. Ishonch qozona olmasa, lavozimidan ketadi.

Bugun bo'shatilganlar: Tashqi ishlar vaziri Salohiddin Rabboniy, Jamoat ishlari vaziri Mahmud Balig', Mehnat va ijtimoiy masalalar bo'yicha vazira Nasrin Oryakhel.

Parlament Prezident Ashraf G'anidan ularning o'rniga kimni tayinlashni xohlashi haqida so'ragan.

"Bu borada takliflar kutayapmiz", - deydi qonunchilik organi spikeri Abdul Rauf Ibrohimiy.

Hukumat, umuman olganda, juda sust ishlayapti va samara sezilmaydi, deydi qonunchilar. Ular ikki rahbar - Prezident Ashraf G'ani va Bosh vazir Abdulla Abdullani hokimiyatni bo'lisha olmay, bir-birining ishiga halal berayotganlikda, siyosiy o'yinlar o'ynab, o'z qo'li ostidagi odamlarni suiiste'mol qilayotganlikda ayblaydi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG