Abdulla Abdulla saylovda g'olib bo'lganini da'vo qilmoqda

  • Amerika Ovozi

Afg'onistonda prezidentlikka nomzod Abdulla Abdulla Kobulda tarafdorlari bilan uchrashmoqda, 8-iyul, 2014-yil

Afg'onistonda prezidentlikka nomzod Abdulla Abdulla Kobulda tarafdorlari bilan uchrashmoqda, 8-iyul, 2014-yil

Afg’onistonda prezidentlikka nomzodlardan biri Abdulla Abdulla Mustaqil saylov komissiyasining saylovlar bo’yicha e’lon qilgan dastlabki natijalarini tan olmoqchi emas.

Kecha e’lon qilingan raqamlarga ko’ra, Abdullada 43,5 foiz, Ashraf G’anida esa 56,4 foiz. Biroq Abdulla fikricha, jarayonda raqibi foydasiga ommaviy soxtalashtirish hollari yuz bergan.

Sobiq tashqi ishlar vaziri bugun Kobulda tarafdorlariga murojaat qilib, o’zini g’olib deb e’lon qilgan.

"Soxta hukumatni tan olmaymiz", - dedi Abdulla.

Uning safdoshi, vitse-prezidentlikka nomzod Hoji Muhammad Muhaqqaq agar shikoyatlar ko’rib chiqilmasa, parallel hukumat tuziladi, deya do’q-po’pisa qilmoqda.

AQSh davlat kotibi Jon Kerrining ogohlantirishicha, agar Abdulla hokimiyatni qonunga xilof yo’l bilan olishga harakat qilsa, Afg’oniston AQSh va xalqaro hamjamiyatning moliyaviy va xavfsizlik bobidagi madadidan ayrilishi mumkin.

Kerri juma kuni Kobulda bo’ladi.

Abdulla saylovda G’anidan bir million kam ovoz olgan.

Bu o’rtada mamlakat sharqida bugun bir odam o’zini portlatib, 16 kishi, jumladan NATO ning to’rt askarini nobud qilgan.

Voqea Parvon viloyatida ro’y bergan. Tolibon xuruj uning ishi ekanini tan oldi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG