Afg'onistonda toliblar 14 yo'lovchini otib o'ldirdi

  • Amerika Ovozi

Kobul, Afg'oniston

Kobul, Afg'oniston

Afg’oniston rasmiylarining aytishicha, toliblar ekani taxmin qilinayotgan guruh Kobul yaqinida 14 kishini o’ldirgan.

Jangarilar yo’lda ketayotgan uch mashinani to’xtatgan va yo’lovchilarni safga tortib birma-bir boshiga va ko’ksiga qarata otgan.

O’lganlar shialar bo’lgani, orasida ayollar va bir bola bo’lgani aytiladi. Toliblar shialarni g’ayridin deb hisoblaydi.

Oy boshida Birlashgan Millatlar Tashkiloti chop etgan hisobotga ko’ra, Afg’onistonda tinch aholi orasida talofatlar oxirgi yarim yilda salkam 5 mingga chiqqan.

Bu o’tgan yilning huddi shu vaqtiga qaraganda 24 foizga ko’p.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG