Kobulda katta mehmonxonaga hujum

  • Amerika Ovozi

Kobulda katta mehmonxonaga hujum

Kobulda katta mehmonxonaga hujum

Tolibon Afg'oniston poytaxtidagi katta mehmonxonaga hujum uyushtirgan.

Harakat so'zlovchisi Zabihullo Mujohidning aytishicha, maqsad Kobuldagi "Intercontinental" mehmonxonasida turgan xorijiy rasmiy va mehmonlarni yo'q qilish bo'lgan.

Politsiya bergan ma'lumotlarga ko'ra, 28 iyun kuni kechqurun 9 kishi o'zini portlatishga tayyor holda imoratga kirgan. Otishmada ularning hammasi o'ldirilgan. Xurujda yana 11 fuqaro halok bo'lgan.

Hujum kechqurun, mehmonxonada dabdabali to'y ketayotgan paytda ro'y bergan.

Kobuldagi "Intercontinental" mehmonxonasi

Kobuldagi "Intercontinental" mehmonxonasi

"Intercontinental" ichkarisida ham, tashqarisida ham otishma kuzatilgan.

Tepalikda joylashgan mehmonxona xavfsizlik kuchlari qurshovida va imoratdan elektr toki uzib qo'yilgan.

Shu kuni NATO mamlakat janubida jangarilar bilan to'qnashuvlarda uch askarini yo'qotgan.

Qandahor viloyatida bomba portlab, ikki ayol halok bo'lgan, bir go'dak qattiq jarohatlangan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG