Afg'onistonda portlashlar, Pokistonda Tolibon hukumat bilan muzokarada

  • Amerika Ovozi

Kobul, 6-dekabr, 2011. Shialar bayramida bomba portlab, 59 kishi halok bo'ldi.

Kobul, 6-dekabr, 2011. Shialar bayramida bomba portlab, 59 kishi halok bo'ldi.

AQShning Afg’onistondagi elchisi Rayan Kroker fikricha mamlakatda mazhablararo nizo keng tus olmaydi.

Shia yetakchilar xalqni tinchlikka undar ekan, jamoatchilik hamjihatlik yo’lidan boradi, deydi elchi.

5-dekabr kuni Kobulda shia ayyomida ikki joyda katta portlash yuz berib, 59 kishini hayotdan olib ketdi.

Bu xurujlar, deydi Amerika diplomati, ajnabiy kuchlarining, ya’ni Afg’onistondan tashqarida bo’lgan jangari guruhlarining ishi.

Portlashlarni Pokistonda asoslangan Lashkari Toiba guruhi o’z zimmasiga olgan.

Bugun Afg’oniston shimolida yuz bergan portlashda ikki kishi o’lgan. Hodisa Qunduzda ro’y bergan. Halok bo’lganlardan biri mahalliy yetakchi.

Janubda, Qandahor viloyatida ham bomba portlab, uch kishi nobud bo’lgan.

Pokiston-Afg'oniston chegarasida

Pokiston-Afg'oniston chegarasida

Pokistonda Tolibon rahbarlaridan biri Mulvi Faqir Muhammadning tasdiqlashicha, harakat hukumat bilan tinchlik muzokaralari boshlagan.

Islomobod bu borada og’iz ochmayapti. Lekin sal avval “jangarilar bilan gaplashishga majburmiz” deya bayon qilgan edi. Lekin Tolibon avvalo qurolni tashlashi kerak, deydi rasmiylar.

Pokistonga milliardlab dollar yordam ajratib kelayotgan Amerika bunday muzokaralarga qarshi. Vashington nazarida, Pokistondagi toliblar - terroristlar.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG