Amerika qo’shinlari Afg’onistonning Vardak viloyatidan chiqadi

  • Amerika Ovozi

AQSh armiyasi Afg’oniston sharqidagi Vardak viloyatini sekin-asta tark etishi kutilmoqda. Ularning o’rnini mahalliy qo’shinlar va politsiya egallaydi.

Vashington va Kobul nihoyat shunga kelishib olgan, deydi general Jozef Danford.

Amerikalik askarlar tinch aholini qiynoqqa solib, o’ldirgani haqidagi da’volar ketidan prezident Hamid Karzay AQShdan hududni tark etishni talab qilgan edi.

Qo’shma Shtatlar ayblovlarni qat’iyan rad etib keladi va Vardak viloyatidan shoshilinch ravishda chiqish xatarli ekanini ta’kidlayotgan edi.

Kobuldan bor-yo’g’i 25 kilometr uzoqlikda joylashgan bu mintaqa toliblar qo’liga tushib qolsa, poytaxtga hujum qilish osonlashadi, deya ogohlantirgan Amerika tomoni.

Koalitsiya so’zlovchisi Gyunter Katsning dushanba kuni aytishicha, NATO Vardak viloyatini oxir-oqibat afg’onlar zimmasiga topshiradi, biroq avval mahalliy rasmiylar xavfsizlik yuzasidan puxta reja bilan chiqishi kerak.
  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG