Breaking News

Al-Nusra ekstremist guruhi tarbiyalayotgan o'zbek bolasi


Abu Anas deb tanishtirilgan bola otasi "shahid" bo'lganini aytadi
Abu Anas deb tanishtirilgan bola otasi "shahid" bo'lganini aytadi

Suriyada al-Qoidaga sodiq al-Nusra guruhi haqida hikoya qiluvchi hujjatli film qahramonlaridan biri - o‘zbek bolasi. Abu Anas deb tanishtirishadi uni.

“Arab bo‘lmasa ham”,- deydi muallimi, “u yaxshi o‘quvchi”.

Bola ancha qiynalyapti, biroq tirishqoq, deya qo'shadi ustozi.

Abu Anas arab tilida gapiradi. Otasi “shahid” bo'lganini aytarkan, qayerda o‘lganini yashiradi.

O‘zbekistonni sog‘inasanmi, deb so‘rashganida, javobi: yo‘q.

Yurtingda o‘rtoqlaring bormidi, ularni sog‘inmaysanmi, deb so‘rashganida, bor edi, lekin ular “bizni tushunmaydi”, deb javob qiladi u.

Go‘dakning fikricha, O‘zbekistonda jihod nima ekanini bilishmaydi va unga qarshilar.

Qarindoshlaringni sog‘inasanmi, deb so‘rashganida esa qisqagina “ha” deydi. Bolaning haqiqiy ismi haqida ma'lumot berilmagan.

Xalqaro multimedia axborot manbai bo'lmish VICE News Suriyada amaldagi tuzum va "Islomiy davlat" terror tizimiga qarshi kurashayotgan Al-Nusra guruhi a'zolari bilan bir oy vaqt o'tkazgan.

VICE Newsning yoritishicha, bolalar maktabdan tashqari sport bilan shug'ullanadi; vayron bo'lgan hayvonat bog'lariga olib boriladi, ularga hovuzlarda cho'milish uchun ham vaqt beriladi.

Bu bolalarning orzulari, ularning aytishicha, o'zlarini "Olloh yo'lida" qurbon qilish. Ular yahudiylar, Amerika va ular nazarida islomga qarshi har bir tomonni dushman deb biladi. Katta bo'lishganida bu g'animlarga qarshi kurashish ularning hayotiy maqsadi.

Yaqinda AQShda chiqqan hisobotda muallif Noa Taker Suriyada jang qilayotgan o'zbeklarning aksariyati "Islomiy davlat" ga qarshi guruhlar safida, deya bayon qilgan edi.

"Birodarimiz Abu Anas arab bo'lmasa-da, yaxshi o'quvchi", - deydi al-Nusra ekstremist guruhi muallimi
"Birodarimiz Abu Anas arab bo'lmasa-da, yaxshi o'quvchi", - deydi al-Nusra ekstremist guruhi muallimi

"Bola ancha qiynalayapti, lekin tirishqoq",- deya tanishtiradi Abu Anasning muallimi
"Bola ancha qiynalayapti, lekin tirishqoq",- deya tanishtiradi Abu Anasning muallimi

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG