AQShda 11-sentabr voqealarining 14 yilligi xotirlanmoqda

  • Amerika Ovozi

Oq uy oldida Prezident Barak Obama va uning rafiqasi Mishel Obama boshqa ma'muriyat xodimlari bilan 11-sentabr xurujlarida qurbon bo'lganlarni xotirlab bir daqiqalik sukut saqlamoqda, 11-sentabr, 2015-yil.

Oq uy oldida Prezident Barak Obama va uning rafiqasi Mishel Obama boshqa ma'muriyat xodimlari bilan 11-sentabr xurujlarida qurbon bo'lganlarni xotirlab bir daqiqalik sukut saqlamoqda, 11-sentabr, 2015-yil.

Vashington, Nyu-York hamda boshqa ko'plab shtat va shaharlarda 2001-yil 11-sentabr kuni yuz bergan terror xurujlarining 14-yilligi yodga olinmoqda. O'sha mash'um kunda qariyb uch ming kishi halok bo'lgan.

Juma kuni ertalab Oq uy oldida Prezident Barak Obama va uning rafiqasi Mishel Obama boshqa ma'muriyat xodimlari bilan fojea qurbonlarini xotirlab bir daqiqalik sukut saqladi.

Nyu-York shahrida esa egizak binolarda halok bo'lganlarning oila a'zolari va yaqinlari yig'ilib, o'lganlar xotirasi uchun tashkil etilgan marosimda qatnashdi. Halok bo'lganlarnig ismlari birma-bir o'qib chiqildi.

Pentagonda ham Mudofaa vaziri Eshton Karter yetakchiligida xotirlash tadbiri o'tdi. Binoning samolyot kelib urilgan joyida o'rnatilgan AQSh bayrog'i pastga tushirilgan.

Afg'oniston poytaxti Kobulda NATO rasmiylari va askarlari yig'ilib, fojeani yodga olmoqda.

2001-yil 11-sentabr kuni "Al-Qoida" guruhiga mansub terrorchilar to'rt samolyotni olib qochib, ularni Nyu-Yorkdagi Jahon savdo markaziga hamda Pentagon binosiga olib kelib urgan edi.

Kapitoliyni nishonga olishi rejalangan to'rtinchi samolyot yo'lovchilarning terrorchilarga qarshilik ko'rsatishi oqibatida Pensilvaniya shtatida ochiq maydonga qulab tushgan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG