Bahrayn qiroli namoyishchilar talabiga ko'ndi

  • Amerika Ovozi

Bahrayn qiroli

Bahrayn qiroli

Bahrayn davlat matbuotining xabar berishicha, qirol Hamad bin Iso al-Xalifa bir guruh siyosiy mahbuslarni ozod etishga buyurgan.

Bu bir haftadan oshiq vaqtdan beri mamlakatda bo'layotgan hukumatga qarshi namoyishlarda olg'a surilgan talablardan biri.

Mahbuslarning nomi oshkor etilmagan. Aksariyati shialar ekani ma'lum. Ular orasida davlat to'ntarishini rejalaganlikda ayblanib, sud qilinayotgan 23 nafar faol ham bor.

Suddan Londonga qochgan shia faollaridan biri, Haq harakati yetakchisi Hasan Mashaima mamlakatga qaytib, namoyishchilarni qo'llab-quvvatlashini bildirgan.

Namoyishlar asosan poytaxt Manamadagi Marvarid maydonida kechmoqda. Minglab namoyishchilar kechasi bilan shu yerda tunagan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG