Bahraynda namoyishlar, o’lganlar bor

  • Amerika Ovozi

Bahrayn rasmiylarining aytishicha, namoyishlar tinmayotgan poytaxt Manamada qo’lbola bomba portlab, politsiyachi halok bo’lgan.

Kecha shahar chekkasida huquq-tartibot xodimlari namoyishchilarga qarata o’t ochib, o’smir bolani o’ldirgan edi.

Ikki yil oldin mamlakatda sunniy rahbariyatga qarshi g’alayon boshlanib, shia muxolifat monarxiyani tugatishni, shialarni kamsitish hollariga chek qo’yishni talab qilgan edi.

Oppozitsiya shu kunlarda g’alayonni qayta jonlantirishga urinayapti va kecha xalqni bir ovozdan ish tashlashga undagan.

Poytaxt tevaragida bugun ham politsiya va shia namoyishchilar o’rtasida to’qnashuvlar tinmayapti.

Bahrayn hukumati 2011-yilning martidagi inqilobni ayovsiz bostirib, qo’shni davlatlardan harbiy yordam olgan edi. G’alayon 55 odamni hayotdan olib ketgan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG