AQSh yetakchi diplomati Almati va Toshkentga yo'l olmoqda

  • Amerika Ovozi

Amerika Davlat kotibining Janubiy va Markaziy Osiyo masalalari bo’yicha muovini Robert Bleyk

Amerika Davlat kotibining Janubiy va Markaziy Osiyo masalalari bo’yicha muovini Robert Bleyk

AQSh Davlat kotibining Janubiy va Markaziy Osiyo masalalari bo’yicha muovini Robert Bleyk 14-15-avgust kunlari Qozog’istonda, 15-18-avgustda O’zbekistonda bo’ladi.

Almatida diplomat biznes ahli bilan ko’rishib, Markaziy Osiyoda iqtisodiy integratsiya va hamkorlik haqida fikr almashadi.

Toshkentda esa Bleyk Amerika va O’zbekiston o’rtasidagi maslahat kengashiga bosh bo’ladi. Bu – tomonlar orasidagi uchinchi yillik konsultatsiya.

Muloqotda mintaqaviy tinchlik va xavfsizlik, demokratiya va inson huquqlari, qoradori savdosiga qarshi kurash, ta’lim va madaniy almashinuv, iqtisodiy taraqqiyot va savdo xususida so'z ketadi.

Shuningdek, O’zbekiston fuqarolik jamiyati vakillari va mustaqil huquq himoyachilari bilan ham uchrashuvlar rejalangan.
  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG