Pokiston sudi Amerika fuqarosiga qarshi ochilgan jinoyat ishini bekor qildi

  • Amerika Ovozi

Federal Qidiruv Byurosi agenti Joel Koks sud binosini tark etmoqda, Karachi, 19-may, 2014-yil.

Federal Qidiruv Byurosi agenti Joel Koks sud binosini tark etmoqda, Karachi, 19-may, 2014-yil.

Pokiston sudi AQSh Federal Qidiruv Byurosi (FQB) agentiga qarshi ochilgan jinoyat ishini bekor qildi.
Joel Koks ismli amerikalik 5-may kuni o’zi bilan 15 ta o’q va uch dona pichoq olib keayotgan payt Karachi aeroportida qo’lga olingan edi. U poytaxt Islomobodga qarab uchayotgan bo’lgan.

Karachi sudi sudyasi 19-may kuni dalil yetishmaganligi bois Amerika fuqarosini ozod qilish haqida qaror chiqardi.

Politsiya rasmiysi Rao Anvarning “Amerika ovozi”ga aytishicha, AQSh elchixonasidan FQB agenti Pokistonda qurol olib yurish huquqiga ega bo’lgani haqida xat kelgach, unga qarshi ochigan jinoyat ishi yopilgan.

AQSh Davlat departamenti Joel Koksning AQSh missiyasiga yordamlashish uchun vaqtincha Pokistonga borganini tasdiqladi.

Hodisa Pokiston-Amerika munosabatlari biroz tinchlangan bir paytga to’g’ri keldi. Terrorizmga qarshi kurashda yaqin hamkor bo’lgan ikki davlat aloqalari so’nggi yillarda ancha sovuqlashgan.

2011-yil Markaziy Razvedka Agentligi xodimi Reymond Deyvis ikki Pokiston fuqarosini otib qo’ygach, ikki mamlakat o’rtasidagi diplomatik munosabatlarga darz ketgan edi.
Deyvis halok bo’lganlarning oilalariga 2 million dollar to’lashga rozi bo’lgach, sud nihoyat uni ozodlikka chiqargan.
  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG