Dik Cheynining xotiralari bitilgan kitob nashrdan chiqmoqda

  • Amerika Ovozi

AQSh sobiq vitse-prezidenti Dik Cheyni

AQSh sobiq vitse-prezidenti Dik Cheyni

AQSh sobiq vitse-prezidenti Dik Cheynining xotiralari bitilgan kitob kelasi hafta nashrdan chiqadi.

Kitobning bir nusxasini qo'lga kiritgan "Nyu-York Tayms" gazetasiga ko'ra, Cheyni 2007-yilda sobiq prezident Jorj Bushni Suriyadagi yadro reaktorlarini bombardimon qilishga undagan. Ammo Bush va uning maslahatchilari diplomatiyani harbiy choradan ustun qo'yib, vitse-prezident taklifini rad etgan. Sal o'tmay esa Isroil Suriya inshootlarini nishonga olgan.

Cheyni o'z memuarlarida u bilan Bush ma'muriyatida ishlagan bir necha arbobni tanqid qiladi. Xususan sobiq Davlat kotibi Kolin Pauellni. Iroqqa qarshi urushning tarafdorlaridan bo'lgan Cheynining aytishicha, general prezidentni harbiy harakatlardan qaytarmoqchi bo'lgan. Pauellning 2004-yilda iste'fo bergani yaxshi bo'ldi, deb yozadi Cheyni. Sobiq vitse-prezident keyingi davlat kotibi Kondoliza Raysni Shimoliy Koreya yadro dasturiga nisbatan soddalikda ayblaydi.

Cheyni Iroqqa qarshi urushni boshlashga yetarlicha sabab bo'lmaganini tan oladi. Yuragi xasta arbobning aytishicha, u har ehtimolga qarshi iste'foga chiqish haqida arizani tayyorlab seyfda saqlagan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG