Xitoy Shinjonga aksilterror harbiy bo’linma jo’natdi

  • Amerika Ovozi

Xitoy Shinjonga aksilterror harbiy bo’linma jo’natdi

Xitoy Shinjonga aksilterror harbiy bo’linma jo’natdi

Shinjon-uyg’ur muxtoriyatidagi to’qnashuv va hujumlar ketidan Xitoy regionga sara aksilterror harbiy bo’linma safarbar etgan.

Kommandoslar “yaqinda qonli voqealar ro’y bergan Qashg’ar va Xo’tan shaharlarida terrorchilarga qarshi operatsiyalar o’tkazishi” aytilmoqda.

Xitoy Xalq Qurolli Kuchlarining elita guruhi sanalmish bu zobitlar namoyishlar nazorati, portlovchi moslamalarni topib, yo’q qilish va shu kabilar uchun mas’ul, deydi rasmiylar. Lekin askarlar soni haqida biror ma’lumot yo’q.

Ular Shinjonda tartibni saqlash bilan birga sentabr oyida rejalangan yirik ko’rgazmaga ham ko’z-quloq bo’lib turadi, deydi Xitoy ma’murlari.

Shinjon so’nggi yillarda etnik to’qnashuvlar markaziga aylangan.

Mahalliy aholi, uyg’urlar hukumatni bosimda ayblab, mintaqaga xitoylar ko’chib kelayotgani va ko’pchilikka aylanayotganidan shikoyat qiladi.

Iyul oyida Shinjonda bir necha kishi pichoqlanib, politsiya va uyg’urlar olishuvi oqibatida 30 dan ziyod odam jon bergan.

Shundan beri vaziyat tarang. Rasmiy Pekin voqealarda terrorchilarni ayblaydi.

Lekin ayrim ekspertlar hukumatning xulosasini tasdiqlovchi dalillar yo’q ekanini, to’polon xalqning e’tirozi mahsuli ekanini aytadi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG