Xitoyda yana bir buddist o'ziga o't qo'ygan

  • Amerika Ovozi

26-mart kuni Xitoy prezidenti Xu Tsintao Hindistonga safar qilishi oldidan bir tibetlik Dehlida o'zini yoqqan edi

26-mart kuni Xitoy prezidenti Xu Tsintao Hindistonga safar qilishi oldidan bir tibetlik Dehlida o'zini yoqqan edi

Qo’shma Shtatlar Xitoyning Tibet mintaqasidagi vaziyatdan xavotir bildirmoqda. Sichuan viloyatida yana bir buddist, 20 yoshli Lobsan Sherab o’ziga o’t qo’ygan. Xitoy siyosatidan norozilik ramzi sifatida joriy yilda jami 20 odam shu tariqa hayotdan ko’z yumgan.

AQSh Davlat departamenti vakili Viktoriya Nulandning ta’kidlashicha, Xitoy hukumati buddistlar rahnamosi Dalay Lamani tinmay qoralashi, uni terrorizm va boshqa jinoyatlarda ayblashi Tibetda ahvol yanada og’irlashishiga xizmat qiladi, xolos.

“Pekinni aholi huquqlarini hurmat qilishga, asl vaziyatni o’rganish uchun jurnalistlarga bu yerda ishlashga ruxsat berishini so’raymiz”, - deydi Viktoriya Nuland.

Yaqinda AQSh Senatining Tashqi aloqalar qo’mitasi Xitoyni tibetliklarga nistaban repressiv siyosatda ayblab, rezolyutsiya qabul qilgan. Hujjat qonun kuchiga ega bo’lmasa-da, Amerika tashqi ishlar vaziriga Pekinni huquq borasida savolga tutish vazifasini yuklaydi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG