Klinton: Dunyo ahli SPIDni Amerikasiz yenga olmaydi

  • Amerika Ovozi

VICh/SPIDning birinchi qurboni bundan 30 yil avval qayd etilgan edi. O’shandan buyon kasallik millionlab odam hayotiga zomin bo’ldi. Bugungi kunda SPIDga chalinganlar soni 30 million odamga yetgan. Ularning aksariyati - afrikaliklar.

VICh/SPIDning birinchi qurboni bundan 30 yil avval qayd etilgan edi. O’shandan buyon kasallik millionlab odam hayotiga zomin bo’ldi. Bugungi kunda SPIDga chalinganlar soni 30 million odamga yetgan. Ularning aksariyati - afrikaliklar.

AQSh Davlat kotibasi Xillari Klinton deydiki, odam immuniteti taqchilligi sindromi - SPID kasalligini yaqin kelajakda batamom yo’q qilish mumkin.

Biroq bu maqsadga erishish uchun AQSh va boshqa davlatlar SPID bilan kurashga ajratilayotgan mablag’ni kamaytirmasligi kerak.

Ammo byudjet kamomadi masalasini hal etishga urinayotgan Kongress aynan shunday yo’l tutishi mumkin.

AQSh, deydi Xillari Klinton, SPIDga qarshi kurashda lider bo'lib qolishi kerak

AQSh, deydi Xillari Klinton, SPIDga qarshi kurashda lider bo'lib qolishi kerak

Klinton bayonoti 21-asr vabosiga qarshi kurashib kelayotgan tashkilotlar olqishiga sazovor bo’lmoqda.

SPIDga qarshi nafaqat mamlakat ichida, balki butun dunyo bo’ylab kurashni AQSh hukumati Jorj Bush prezidentligi davrida boshlagan.

Milliardlab dollar evaziga ilmiy izlanishlar olib borildi, eng muhimi kasallikka chalingan millionlab odamlar hayoti saqlab qolindi.

Dasturni davom ettirish kerak, dedi Klinton Kongressga murojaat qilar ekan.

Virusga qarshi kurashni pasaytirmaslik uchun milliardlab dollar mablag' kerak

Virusga qarshi kurashni pasaytirmaslik uchun milliardlab dollar mablag' kerak

SPID ustidan g’alabaga faqat AQSh ko’magi bilan erishish mumkin, deydi rasmiy.

“Men amerikaliklarning bir narsani tushunishlarini istardim: Qo’shma Shtatlarning SPIDga qarshi kurashdagi o’rnini hech kim bosa olmaydi. Bu mablag’ biz hammamiz to’layotgan soliqlardan olinadi”,- deydi Kllinton.

Klinton uch chora haqida gapiradi:

Bemor onadan virusning go’dakka yuqishiga dorilar yordamida chek qo’yish; o’g’il bolalarni ihtiyoriy ravishda sunnatlash va kasallikka chalinganlarga nisbatan aksil-retrovirus muolajasini qo’llash.

Hozir kasallikka qarshi kuchli dorilar bor. Bemorlarning umrini uzaytirish mumkin.

Hozir kasallikka qarshi kuchli dorilar bor. Bemorlarning umrini uzaytirish mumkin.

Davlat kotibasi SPIDga qarshi kursh uchun AQSh yana 60 million dollar ajratganini ma’lum qildi va boshqa davlatlarni ham mablag’ ajratishga chaqirdi.

AVAC, SPID vaksinasi bo’yicha targ’ibot uyushmasi deb nomlangan nodavlat tashkiloti rahbari Mitchel Uorren Xillari Klinton bayonotini olqishladi:

”SPID tarqala boshlanganidan buyon uni yo’q qilish insoniyat orzusi bo’lib kelgan. So’nggi 1,5 yil ichida ilm-fan shu qadar ilgariladiki, bu orzu emas, balki erishib bo’ladigan maqsadga aylandi”,- deydi u.

Kasallik sabab Afrikada millionlab bola yetim

Kasallik sabab Afrikada millionlab bola yetim

Olimlar kasallikka qarshi shifo topish mumkinligini tasdiqlashgan. SPID kasalligiga turtki bo’ladigan VICh infeksiyasini to’xtatuvchi dori ishlab chiqarila boshlandi.

“Tarixda birinchi marta bu masala davlat siyosatiga aylandi”,- deydi Uorren.

VICh/SPIDning birinchi qurboni bundan 30 yil avval qayd etilgan edi. O’shandan buyon kasallik millionlab odam hayotiga zomin bo’ldi. Bugungi kunda SPIDga chalinganlar soni 30 million odamga yetgan. Ularning aksariyati - afrikaliklar.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG