Klinton Rossiyani Gruziyadan qo'shinlarini olib chiqishga chaqirmoqda

  • Amerika Ovozi

Xillari Klinton Gruziyada, Batumi, 5-iyun, 2012-yil

Xillari Klinton Gruziyada, Batumi, 5-iyun, 2012-yil

AQSh Davlat kotibasi Xillari Klinton Yevropa va Kavkaz bo'ylab safari davomida bugun Gruziyaga bordi. Batumida prezident Mixail Saakashvili bilan uchrashar ekan, Gruziya-Rossiya ixtilofiga to'xtalib, Kremlni bo'lginchi Janubiy Osetiya va Abxaziya respublikalaridan qo'shinlarini chiqarishga chaqirdi.

"Gruziya hududining bosib olinishini qabul qilmaymiz. 2008-yilda erishilgan sulh shartlariga amal qilib, Rossiya askarlarini mojarodan oldingi hududlarga chiqarishi va gumanitar yordam uchun yo'l ochishi lozim", - deydi Klinton.

Gruziyadan ajralgan respublikalar mustaqillik e'lon qilgan, biroq Rossiya va yana bir-ikki davlatdan boshqasi ularni tan olmagan.

Klinton kecha Armanistonda edi, ertaga esa Ozarbayjonga boradi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG