AQSh mahalliy terrorizmga qarshi kurash choralarini kuchaytiradi

  • Amerika Ovozi

AQSh Adliya vaziri Erik Xolder

AQSh Adliya vaziri Erik Xolder

Adliya vazirligi hamda Oq uy mahalliy terrorchi va ekstremistlarni aniqlab, ularning xurujlarni amalga oshirishiga yo'l qo'ymaslik maqsadida maxsus dastur ishlab chiqdi. Yangi choralar AQShning bir qator shaharlarida jamoatchilik vakillari, mahalliy rasmiylar, diniy yetakchilar hamda federal huquq-tartibot organlari hamkorligiga amalga oshiriladi, deya xabar beradi AQSh Adliya vaziri Erik Xolder.

Xolderning aytishicha, Iroq va Suryada "Islomiy davlat" jangarilarining kuchayishi, ularning bir necha amerikalikni qatl etgani, qolaversa, guruh safida ko'plab amerikaliklarning jang qilayotgani AQSh xalqiga nisbatan tahdid ko'lamini oshirgan.

Xavfsizlikni oshirishga qaratilgan yangi dastur AQSh Adliya vazirligi, Oq uy, Ichki xavfsizlik vazirligi hamda Milliy terrorizmga qarshi kurash markazi hamkorligida ishlab chiqilgan.

Joriy yangilik oktabr oyida Oq uy mezbonligida o'tadigan Zo'ravon ekstremizmga qarshi kurash sammiti arafasida e'lon qilinmoqda.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG