Faollar: DAEWOO majburiy mehnat evaziga terilgan o'zbek paxtasini ishlatmasin

  • Amerika Ovozi

O'zbekistonda majburiy mehnatga qarshi namoyish, Seul, Janubiy Koreya

O'zbekistonda majburiy mehnatga qarshi namoyish, Seul, Janubiy Koreya

DAEWOO xalqaro korporatsiyasining Seuldagi qarorgohi oldida O’zbekistonda dalalarida majburiy mehnatga qarshi "Paxta kampaniyasi" tashabbusi bilan norozilik namoyishi o'tdi.

Huquq himoyachilari va faollar kompaniyaga 190 mamlakatdan 230 ming odamning imzosi qo’yilgan murojaatnomani topshirishdi.

DAEWOO O’zbekistonda majburiy mehnat oqibatida tushgan daromadga sherik bo’lmasin, deya talab qilinadi unda. Kompaniya O’zbekistonda paxta tozalash va qayta ishlash bilan shug’ullanuvchi eng yirik shirkat.

"Paxta kampaniyasi" to'plagan ma’lumotlarga ko’ra, har yili terimga bir milliondan ziyod bolalar va kattalar majburan olib chiqiladi.

Murojaatnomada DAEWOO ikki yil ichida O’zbekistondan paxta sotib olishni to’xtatsin degan talab ham bor. Shu kungacha dunyoda 130 dan ortiq to’qimachilik kompaniyalari o’z mahsulotlarida o’zbek paxtasidan foydalanmaslikka ahd qilgan. O'nlab savdo tizimlari ham o'zbek paxtasi ishlatilgan tovarlarni olmaydi.

“Paxta kampaniyasi” - O’zbekiston dalalarida majburiy mehnatga qarshi bizneslar, nohukumat va notijoriy tashkilotlar, mustaqil ekspertlar va huquq faollarini olgan harakat.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG