AQSh Afg'onistonda qancha qo'shin qoldiradi?

  • Amerika Ovozi



Afg'onistonning Zabul viloyatida mashinaga qo'yilgan bomba portlab, olti kishi, jumladan uch amerikalik askar va mahalliy shifokor halok bo'lgan. Boshqa bir hujum esa yana bir amerikalikni hayotdan olib ketgan.

AQSh Davlat kotibi Jon Kerri o'lganlarning oilalariga hamdardlik bildirib, ularni vatan qahramoni deb atagan. Bugungi xurujlarda yaralanganlar orasida bir nechta diplomat ham bor.

AQSh bosh harbiysi, Qurolli kuchlar bosh shtabi raisi Martin Dempsi kutilmaganda Afg’onistonga bordi.

2014-yildan keyin bu mamlakatda Amerika qancha harbiyga ega bo’lishi muhokamada.

General nafaqat Afg’oniston rahbarlari balki xalqaro koalitsiya qo’mondonlari bilan ham muloqot qilmoqda.

Masalani yaqindan o’rgangan mutaxassislar taxminicha, AQSh afg’on zaminida 6-20 ming orasida askar qoldirishi mumkin. Ular asosan treyning bilan shug’ullanadi va faqat maxsus operatsiyalarda ishtirok etishi mumkin.


  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG