Misrda Rossiya samolyoti quladi, 224 kishi halok bo'lgan

  • Amerika Ovozi

Rossiyaning yo'lovchi samolyoti Misrda halokatga uchrab, 224 kishi halok bo'lgan. Sharm al-Shayx dam olish maskanidan havoga ko'tarilganidan ko'p o'tmay layner tog'li rayonda qulagan. Fojia sabablari hozircha noma'lum.

Yo'lovchilarning deyarli barchasi rossiyalik sayyohlar, ular orasida 17 bola ham bor edi. Aerobus-321 Sinay yarimorolidan Sankt-Peterburg yo'nalishida uchayotgan bo'lgan. Misr rasmiylari hech kim omon qolmaganini tasdiqlamoqda.

Qutqaruvchi voqea joyida samolyot qoldiqlari va jasadlarni topishdi. Ayrim xabarlarga qaraganda, pilotlar radio orqali eng yaqin aeroportga qo'nishni so'ragan, so'ngra aloqa uzilgan.

"Islomiy davlat" jangari guruhining Misrdagi sheriklari aerobusni urib tushirdik, deya da'vo qilmoqda. Rossiya Transport vaziri Maksim Sokov buni rad etib deydiki, Sinaydagi jangarilar 9000 metr balandlikda uchayotgan samolyotni urib tushiradigan raketaga ega emas.

Rossiya Prezidenti Vladimir Putin o'lganlar xotirasiga motam e'lon qildi. Mahalliy matbuotga ko'ra, aviakompaniyaga qarshi jinoiy ish qo'zg'atilgan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG