Dumaga saylovlarda "Birlashgan Rossiya" g'alaba qozonishi kutilmoqda

  • Amerika Ovozi

Petropavlovsk-Kamchatskiy, Dumaga saylovlar

Petropavlovsk-Kamchatskiy, Dumaga saylovlar

So'nggi ommaviy so'rov natijalariga ko'ra, Rossiyada yakshanba kuni o'tayotgan parlament saylovlarida hukmron "Birlashgan Rossiya" partiyasi g'alaba qozonadi. 144 millon aholiga ega Rossiyada 110 million odam ovoz berish huquqiga ega.

Prezident Vladimir Putinning partiyasi parlament quyi palatasidagi mavqeini saqlab qolishi kutilmoqda. Ayrim tahlilchilarga ko'ra, Dumaga saylovlarni Putinning 2018-yil prezident saylovlarida qayta saylanishiga referendum sifatida ham qarash mumkin.

Muxolif partiyalar parlamentdagi 450 o'rinning bir qismiga da'vo qilmoqda. Yangi qoidaga ko'ra, deputatlarning yarmi partiya ro'yxatlari bo'yicha, qolgan yarmi esa mustaqil ravishda saylanadi. So'nggi saylovlarda partiya ro'yxatiga tushgan nomzodlargina parlamentga kirgan.

Saylov Qrimda ham o'tmoqda, ammo Ukraina va Qo'shma Shtatlar yarimoroldagi saylov natijalarini tan olmasligini bildirdi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG