FBR "Islomiy davlat"ning internetdagi faolligidan xavotirda

  • Amerika Ovozi

FBR direktori Jeyms Komi

FBR direktori Jeyms Komi

AQSh Federal qidiruv byurosi direktori Jeyms Komining aytishicha, "Islomiy davlat" jangari guruhining internet orqali amerikaliklar orasida tashviqot olib borayotgani Qo'shma Shtatlarga al-Qoidadan ko'ra jiddiyroq tahdid solmoqda.

Komi Koloradodagi xavfsizlik forumida so'zlar ekan, ekstremistik guruhning ijtimoiy sahifalarda faollashayotganini ta'kidladi.

"Islomiy davlat" al-Qoida emas. Ular xonadoningizga kirib bormoqchi, Twitter da faollashyapti", - deydi FBR rahbari.

Uning aytishicha, al-Qoida a'zolarni saralab yollaydi, "Islomiy davlat" esa beqaror odamlarni, giyohvandlarni yollashdan ham tap tortmaydi.

"Islomiy davlat"ga aloqador Twitter sahifalarini 21 ming inglizzabon kuzatadi, shulardan yuzlab, balki minglab odamlar Amerikada, - deydi Komi.

FBR radikallashish ehtimoliga uchragan, terror xurujlarini amalga oshirmoqchi bo'lgan yuzlab odamlarga qarshi jinoiy ish ochgan.

Jeyms Komi amerikalik musulmonlarning "Islomiy davlat" da'vatlariga uchib, xurujlar uyushtirishidan xavotirda.

So'nggi 6-8 haftada yollash ishlari avjiga chiqqan, deydi u.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG