Dunyoning bugungi milliarderlari kim?

Dunyo bo'ylab boyligi bir milliard dollardan ziyod 1426 odam bor. Ularning yalpi boyligi 5,4 trillion dollarga teng. O’tgan yilda bu ko’rsatkich 4,6 trillionni tashkil etgan edi.

Milliarderlarning 442 nafari AQShlik, 386 nafari Osiyo va Tinch okeani mintaqasidan. Yevropaliklar orasida milliarderlar 366 odam, Lotin Amerikasida 129, Yaqin Sharq va Afrikada esa 103 odamni tahskil etadi.

Mana ikki yildirki reyting cho’qqisini meksikalik magnat Karlos Slim egallab turibdi. Undan keyin 2010-yilga qadar birinchi bo’lgan Bill Geyts, "Microsoft" kompaniyasi rahbari. Birinchi uchlikka shuningdek ispaniyalik Amansio Ortega kirgan. U amerikalik sarmoyador Uorren Baffetni birinchi uchlikdan siqib chiqargan.

“Forbes” jurnali dunyo milliarderlari ro’yxatini 27 yildan buyon e’lon qilib keladi.

Mana 2012-yil natijalariga ko’ra birinchi o’nlikka kirgan badavlat odamlar ro’yxati:

Karlos Slim
Meksika
Boyligi $73 milliard
Telekom kompaniyalari

Bill Geyts
AQSh
$67 milliard
"Microsoft"

Amansio Ortega
Ispaniya
$57 milliard
Mashhur “Zara” kiyim-kechak do’konlari rahbari

Uorren Baffett
AQSh
$53,5 milliard
Sarmoyador, Berkshayr Xetevey (Berkshire Hathaway)

Larri Ellison
AQSh
$43 milliard
“Oracle” kompaniyasi

Charls Koch
AQSh
$34 milliard
bir necha sohada sarmoyaga ega

Deyvid Koch
AQSh
$34 milliard
bir necha sohada sarmoyaga ega

Li Ka-shin
Gonkong
$31 milliard
bir necha sohada sarmoyaga ega

Lilian Bettenkur va oilasi
Fransiya
$30 milliard
“L’Oreal” kompaniyasi

Bernar Arno va oilasi
Fransiya
$29 milliard
LVMH kompaniyasi
​