Aksiyalarning arzonlashishi bozor o'zini tuzatishi bilan bog'liq, deydi ekspertlar

  • Amerika Ovozi

Xitoy birjalarida aksiyalar bahosining tushgani Osiyo moliya bozorlarida qimmatbaho qog'ozlarning 7,6 foizga arzonlashishiga olib keldi.

Shanxay, Tokio, Gonkong birjalarida aksiyalar qiymati pasaygan bo'lsa, Britaniya, Germaniya va Fransiyada ikki foizga oshgan.

Xitoy iqtisodiyotining sekinlashishi dunyo bozoriga salbiy ta'sir qildi, neft yanada arzonlashdi. Kecha AQSh moliyaviy bozorlari ham buning ta'sirida salkam 4 foiz zarar ko'rgan.

Mutaxassislarga ko'ra, 2009-yildan beri aksiyalar uch baravar qimmatlaganidan so'ng bozor o'zini tuzatishga kirishgan. Shunda aksiyalar asl narxiga tushadi, deydi moliyaviy ekspertlardan biri.

Bu tuzatishlar sarmoyadorlarni xavotirga solishi aniq, biroq iqtisodiyot uchun bu sog'lom jarayon bo'lib, aksiyalarning haddan ziyod ko'tarilishiga yo'l qo'ymaydi. Sarmoyadorlar endi aksiyalarni arzon narxda sotib olishiga qulay imkoniyat mavjud.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG