Gretsiya prezidentni saylay olmadi

  • Amerika Ovozi

Grek qonunchilar yangi prezidentni saylashni uddalay olmadi. 29-dekabr, 2014-yil.

Grek qonunchilar yangi prezidentni saylashni uddalay olmadi. 29-dekabr, 2014-yil.

Gretsiya parlamenti bugun prezidentni saylashning uddasidan chiqa olmagach, mamlakatda kelasi oy erta parlament saylovlari belgilandi. Bu esa davlatni qamragan iqtisodiy tanazzul hali uzoq davom etadi degan xavotirlarni oshirgan.

Parlament uch bosqichga cho'zilgan prezident saylovlarida yagona nomzodni tanlay olmadi. Bugungi saylovlarda koalitsiya olg'a surgan tanho nomzod Stavros Dimas kerakli 180 ovoz jamg'ara olmagan. Natijada Gretsiyada parlament tarqatiladi va bir oy ichida saylovlar o'tadi.

Ijtimoiy so'rovlarga ko'ra, saylovlarda radikal so'l partiya - Siriza g'alaba qozonishi mumkin. Bu partiya Gretsiya Yevropa Ittifoqi va Xalqaro Valyuta Jamg'armasiga bergan iqtisodiy majburiyatlardan kechmoqchi.

Yevropa Gretsiyadan maosh, nafaqa, imtiyozlarni qisqartirib, soliqlarni oshirishni talab qilib, evaziga moliyaviy yordam uzatgan va bu davlatning qarzini yengillatgan edi.

Radikal partiya hukumat tepasiga kelsa, iqtisodiyotda endi-endi ko'zga tashlanayotgan barqarorlik alomatlari yo'qqa chiqishi mumkin.

Muxolif so'l partiya hukumat tepasiga kelsa, Gretsiyaning Yevropa Ittifoqiga bergan moliyaviy va'dalaridan voz kechishi mumkin.

Muxolif so'l partiya hukumat tepasiga kelsa, Gretsiyaning Yevropa Ittifoqiga bergan moliyaviy va'dalaridan voz kechishi mumkin.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG