Breaking News

Guantanamodagi olti sobiq mahbusni Urugvay qabul qiladi


Guantanamo qamoqxonasi
Guantanamo qamoqxonasi

Obama ma’muriyatining bildirishicha, Kubada AQShga qarashli Guantanamo harbiy qamoxonasidagi mahbuslardan olti nafari Urugvayga jo’natiladi. AQSh mudofaa vaziri Chak Xeygel o’tgan hafta Kongressga bu haqda ma’lum qildi.

Shulardan to’rt nafari suriyalik, biri falastinlik, yana biri tunislik. Ayni damda qamoqxonadagi 149 mahbusning 70 dan ko’pi Guantanamoni tark etishga hozirlik ko’ryapti.

Ulardan biri, suriyalik Jihod Ahmad Mustafo Diyob AQSh harbiylarini ochlik e’lon qilgan mahbuslarni kuch bilan ovqatlantirganlikda ayblab, sudga bergan.

May oyida Tolibonning besh sobiq qo’mondoni Guantanamodan Qatarga yuborilgan edi. Buning evaziga toliblar besh yil ularning qo’lida saqlangan amerikalik harbiyni ozod etdi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG