G'azoda 72 soatlik sulh kuchga kirdi

  • Amerika Ovozi

G'azo Sektoridagi Bayt Xanun shahri Isroil hujumlaridan so'ng, 5-avgust, 2014-yil

G'azo Sektoridagi Bayt Xanun shahri Isroil hujumlaridan so'ng, 5-avgust, 2014-yil

Bugun G’azo Sektorida Isroil va HAMAS o’rtasida 72 soatlik sulh kuchga kirgan. Muzokarachilar uni davomiy qilish ustida ishlamoqda. Isroil sektordan qo’shinlarini chiqarishini ma’lum qildi. Ular chegarada turib, mudofaa zonasini yaratadi, deydi harbiylar.

Isroil rasmiylari harbiy amaliyot natijasida 32 ta tunnel yo’q qilinganini aytmoqda. Ularga ko’ra, jangarilar tunnellar orqali Isroilga o’tib, hujumlar uyushtirgan.

Yaqin kunlarda Qohirada HAMAS, Misr va Isroil vakillari sulhni uzaytirishga qaratilgan muzokarada ishtirok etishi kutilmoqda.

To’rt hafta davom etgan Isroil hujumlarida 1800 dan ziyod falastinlik, asosan, oddiy odamlar nobud bo’ldi. Isroil 64 askar va uch fuqarosini yo’qotgan.

Bungacha kelishilgan bir necha sulh ish bermadi. AQSh Davlat departamenti tomonlarni bu galgi kelishuv shartlarini bajarishga chaqirdi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG