Fransiya rahbari Isroilga tanbeh berdi

  • Amerika Ovozi

Fransiya prezidenti Fransua Olland (chapda) va Falastin prezidenti Mahmud Abbos matbuot anjumani paytida, Ramalloh, Iordan daryosining g'arbiy sohili, 18-noyabr, 2013-yil

Fransiya prezidenti Fransua Olland (chapda) va Falastin prezidenti Mahmud Abbos matbuot anjumani paytida, Ramalloh, Iordan daryosining g'arbiy sohili, 18-noyabr, 2013-yil

Fransiya prezidenti Fransua Olland Isroil hukumatini istilo qilingan yerlarda qurilishlarni bas qilishga chaqirmoqda. Olland bugun Ramallohda Falastin prezidenti Mahmud Abbos bilan uchrashgan.

Uning aytishicha, qurilishlar ikki tomon o’rtasidagi muzokaralarga g’ov bo’lmoqda.

Isroil va Falastin iyul boshida muloqotni yangidan boshlab, to’qqiz oy davomida gaplashishga kelishgan edi. Tomonlarning tan olishicha, jarayon qiyin kechmoqda, yutuqlar ko’p emas.

Shunga qaramay, deydi Mahmud Abbos, muzokaradan chiqmaymiz.

Abbosning aytishicha, Isroil falastinlik mahbuslarni qurilishlar evaziga ozod etyapmiz, deb yanglish fikrlamoqda.

Isroil 1967-yilgi urushda tortib olgan G’arbiy Sohil va Sharqiy Quddusda yarim milliondan ortiq isroillik istiqomat qiladi. Falastin bu yerlarni bo’lajak davlatining ajralmas qismi deb biladi. Xalqaro hamjamiyat Isroilning hududdagi posyolkalarini tan olmagan.
  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG