Breaking News

Gonkong markazida talabalar namoyishlarni to'xtatmoqchi emas


Gonkongning Mongkok tumani, 4-oktabr, 2014
Gonkongning Mongkok tumani, 4-oktabr, 2014

Gonkong rahbariyati demokratiya talabi bilan namoyishga chiqib, ko'chalarni yopib qo'ygan olomonni tarqalishga chaqirmoqda.

Namoyishchilar jamoatchilik hayotini qiyinlashtirmoqda, deydi rasmiylar. To'qnashuvlar kuzatilgan.

Politsiya 19 kishini hibsga olgan, 18 odam jarohatlangan, jumladan xavfsizlik xodimlari.

Hokimiyatning pozitsiyasi shuki, fuqarolarning namoyish qilishga haqqi bor, lekin tartib buzilmasligi kerak.

O'n minglab talabalar bir necha kundan beri piket qilmoqda.

Ularning asosiy talabi shuki, 2017-yilda Xitoy bu yerda demokratik saylov bo'lishi uchun sharoit yaratib bersin.

Ikkinchi talab - Gonkongning rahbariyati yangilansin, xalq ovozi bilan.

Talabalar federatsiyasi tashkil etgan bu namoyishlar tinmaydi, deydi yoshlar, talab qat'iy.

1997-yildan beri Gonkongni o'z nazoratiga olgan Xitoy repressiv siyosatdan voz kechmas ekan, norozilik ham to'xtamaydi, deydi talabalar.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG