Breaking News

Xalqaro Valyuta Jamg'armasi iqtisodiy tanazzul haqida ogohlantirdi


Xalqaro Valyuta Jamg'armasining Vashingtondagi binosida
Xalqaro Valyuta Jamg'armasining Vashingtondagi binosida

Xalqaro Valyuta Jamg'armasining ogohlantirishicha, boy davlatlarda moliyaviy tanazzul xavfi oshib bormoqda. Rivojlangan davlatlarda ham tanglik ehtimoli baland.

Jamg'arma rasmiysi Xose Vinalsning aytishicha, jahon bozorida o'sish sustlashgan, natijada sarmoyadorlar orasida vahima bor.

Mutaxassis iste'mol mollari bahosi pasayib borayotgani, Xitoy iqtisodiyoti sustlashib, daromad kamaygani kabilarni misol qiladi. Xitoy kattaligi jihatidan dunyoning ikkinchi iqtisodiyoti hisoblanadi.

Mamlakatda o'tkazilayotgan ayrim islohotlarga qaramasdan, eksportga juda bog'lanib qolmaslikka harakat qilinayotganiga qaramasdan, Xitoy kompaniyalarining ahvoli og'irlashib bormoqda.

Vinals Yevropa banklarini uzoq kutilgan islohotlarni amalga oshirishga da'vat etmoqda.

Iste'mol mollari bahosi pasayar ekan, rivojlanayotgan iqtisodiyotlar bundan zarar ko'rmoqda, deya ogohlantiradi u.

Mutaxassis jahon iqtisodiyoti yetakchilari Vashingtonda Xalqaro Valyuta Jamg'armasi, Jahon Banki va Katta Yigitmalik yig'inlari uchun jamul jam bo'layotgan bir paytda so'zladi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG