Hindistonda o’nlab bola ovqatdan zaharlanib o’ldi

  • Amerika Ovozi

Hindiston sharqida mahalliy maktab oshxonasida tushlik tanovul qilgan o’nlab bolalar nobud bo’lgan.

Kamida 22 o’quvchi o’lgan, yana 27 nafari kasalxonada tushgan.

Bixar shtati rasmiylarining aytishicha, boshlang’ich maktabda o’quvchilarga bepul guruch va yasmiq doni ulashilgan.

Dastlabki tergovdan ayon bo’lishicha, ovqatda fosfor alomatlari bo’lgan. 4 va 12 yoshlar oralig'idagi bolalarning ayrimlari og'ir ahvolda. Oshpaz ham kasallanib shifoxonaga tushgan.

Voqea ketidan g’azablangan mahalliy aholi namoyishga chiqqan.

Hindistonning bir necha shtatida maktab ma'muriyatlari bepul ovqat tarqatib keladi. Mamlakatda bolalar orasida ochlik, kambag'allik dolzarb muammolardan.

BMTning bolalar jamg’armasi, UNICEFga ko’ra, jahonda to’yib ovqatlanmaydigan har uch boladan biri Hindistonda yashaydi.

Ochlik oqibatida organizm yaxshi rivojlanmay, aqliy, hissiy, jismoniy qobiliyatlarga ta’sir qilishi mumkin.
  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG