Iroqda ikki mehmonxona yonida portlash

  • Amerika Ovozi

Bobil mehmonxonasidagi portlash ketidan

Bobil mehmonxonasidagi portlash ketidan

Iroq poytaxtida qattiq mudofaalangan mehmonxonalar yonida ikki mashina portlagan. Natijada kamida o'n kishi halok bo'lib, qariyb 30 odam jarohatlangan.

Avvaliga payshanba kechqurun birinchi mehmonxonaning mashinalar to'xtaydigan joyida portlash yangragan. Bir necha daqiqa o'tib, boshqa bir otel yaqinida mashina portlagan.

Hujumlar kimning ishi ekani hali noma'lum. Biroq Iroqning katta qismini "Islomiy davlat" to'dasi egallab olgan va tez-tez hujumlar uyushtirib keladi.

Jangarilar shu oy boshida Bag'dod yaqinidagi Ramadi shahrini egallab olgan edi. Bu - Iroq hukumati va AQSh boshchiligidagi koalitsiya uchun katta yo'qotish bo'ldi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG