Iroqdagi portlashlarda 30 dan ziyod odam o'ldi

  • Amerika Ovozi

Karkukdagi portlash asoratlari, 19-aprel, 2012-yil

Karkukdagi portlash asoratlari, 19-aprel, 2012-yil

Iroq poytaxti va boshqa shaharlarda bugun portlashlar ro’y berib, kamida 35 odam o’lgan. 100 dan ziyod fuqaro jarohat olgan.

Avtomobillar va yo’llarga joylangan portlovchi moslamalar asosan xavfsizlik kuchlarini nishonga olgan.

Bag’dod va uning tevaragidagi shia mahallalarida 15 odam o’lgani ma’lum. Xususan, deydi politsiya, sog’liqni saqlash vazirining avtomobili nishonga olinib, rasmiy omon qoldi.

Karkuk, Samarra, Toji va Ramadi shaharlarida ham talofatlar bor. Hujumlarni kim amalga oshirgani hozircha aniq emas. Aholisining katta qismi shia bo’lgan Iroqda terror xurujlarida sunniy ekstremistlar ayblab kelinadi.

O’tgan oy Iroqning sakkiz shahrida deyarli bir vaqtda ro’y bergan portlashlar 46 fuqaroning yostig’ini quritgan edi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG