Iroq siyosiy inqirozdan chiqishga ojizlik qilyapti

  • Amerika Ovozi

Iroq parlamenti deputatlari

Iroq parlamenti deputatlari

Iroqda siyosiy inqiroz kuchaymoqda. Deputatlar palata spikeri hamda bosh vazir va prezident iste'fosini talab qilmoqda. Payshanba kuni noiblar hatto mushtlashib ketdi.

Birinchi musht sunniy spiker Salim al-Jaburiyga kelib tushdi.

Sobiq milliy xavfsizlik maslahatchisi Muvaffaq al-Ruboiyning aytishicha, yoki erta saylovlar o'tkazish kerak yoki parlamentda prezident, spiker va bosh vazirlikka yangi odamlarni saylash kerak.

​“Yangi saylovlar hozirgi sharoitda to'g'ri bo'lmas edi", - deydi u.

Mamlakatda bir necha oydan beri namoyishchilar Bosh vazir Haydar Abadiyni va’dalarining ustidan chiqib, siyosiy islohotlarni amalga oshirishga chaqirmoqda. Xalq nazarida hukumatda tanish-bilishchilik kuchaygan.

Siyosatchilar inqirozning yanada kuchayib ketmasligi uchun turli yechimlar taklif etmoqda.

Sobiq bosh vazir Ayad Allaviy nufuzli shia arbobi Muqtada al-Sadr va deputatlarni umumiy reja ishlab chiqishga chaqirdi.

“Abadiydan bir ish chiqmayapti”, - deydi u.

Allaviyning “Amerika Ovozi”ga aytishicha, islohotlarni bosqichma-bosqich amalga oshirish kerak – avval “Islomiy davlat”ni yengish zarur, so’ng siyosiy murosaga erishib, parlamentni asl demokratik shaklga keltirish lozim.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG