Sunniy deputat Iroq parlamentiga spiker bo'ldi

  • Amerika Ovozi

Iroq parlamenti

Iroq parlamenti

Iroq parlamenti mamlakatda yuzaga kelgan siyosiy inqirozni hal etish yo'lida bir qadam qo'ydi. Deputatlar spikerlikka nomzod bo'yicha kelishib oldi. Diyala viloyatidan qonunchi Salim al-Juburiy sunniy bo'lib, parlament endi bosh vazir va prezidentni ham tanlashi kerak.

AQShning 2003-yilgi istilosi natijasida Saddam Husayn tuzumi qulagach, siyosiy kuchlar sunniylardan spiker, kurdlardan prezident va shialardan bosh vazirni tayinlashga kelishib olgan.

Parlament 30 kun ichida prezidentni saylashi, u esa o'z navbatida 15 kun ichida parlamentdagi eng yirik fraksiyadan bosh vazirni tanlab, hukumat tuzishni so'rashi kerak.

2006-yilda bosh vazirlikka saylangan Nuri al-Malikiyning fraksiyasi parlamentda ko'pchilikni tashkil qilsa-da, ayrim qonunchilar undan lavozimini bo'shatishni so'ramoqda.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG