"Islomiy davlat" xuruj qildi, al-Nusra fronti esa strategik shaharni egalladi

  • Amerika Ovozi

Al-Nusra fronti - al-Qoidaning Suriyadagi qanoti

Al-Nusra fronti - al-Qoidaning Suriyadagi qanoti

Bugun "Islomiy davlat" Iroq-Iordaniya chegarasida uch mashinada bomba portlatib, to'rt harbiyni o'ldirgan. 10 kishi og'ir ahvolda.

"Islomiy davlat" Iroqning katta hududlarini egallab olgan, jumladan Anbar viloyatini.

Kecha Anbarda 11 zobit o'ldirilgan.

Lekin Iroq armiyasi terrorchilar bilan qattiq kurashayotganini, qishloqlar ulardan birma-bir tozalanayotganini bildirmoqda. AQSh Iroq qo'shinlariga ko'makni oshirmoqda.

Har ikki davlat nazarida "Islomiy davlat" dan qutulish uchun yillab vaqt kerak.

Suriyada Jisr al-Shug'ur shahri terrorchilar qo'liga o'tgan. Mamlakat shimoli-g'arbidagi bu strategik hudud bugunga kelib al-Nusra fronti va uning hamkorlari nazoratida. Suriya armiyasi shaharni tark etgan. To'qnashuvlar davom etmoqda.

Al-Nusra al-Qoida terror tizimining Suriyadagi qanoti hisoblanadi va to'da BMT, AQSh, Rossiya, Turkiya va Britaniya singari davlatlar tomonidan terror tashkiloti deya tamg'alangan.

To'daning 8 mingga yaqin jangchilari safida markaziy osiyoliklar ham bor.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG