Iroqdagi hujumda Amerika harbiysi halok bo'lgan

  • Amerika Ovozi

Kurd peshmerga jangchilari. Mosul, Iroq.

Kurd peshmerga jangchilari. Mosul, Iroq.

Iroq shimolida "Islomiy davlat" to'dasi kurdlarning peshmerga jangchilariga hujum qilib, natijada Amerika maxsus xizmati xodimi nobud bo'lgan.

Mutaxassis Musulda pehmerga jangchilariga maslahat va treninglar bilan yordam berib kelayotgan edi, deydi Pentagon matbuot kotibi Piter Kuk.

Hujum paytida askar qattiq jarohatlanib, hududdan ko'chirilgan, biroq ko'p o'tmay jarohatlaridan jon bergan.

Iroqda 2014-yilda Amerika boshliq koalitsiya "Islomiy davlat" guruhiga qarshi jangga kirishganidan beri AQSh uchinchi askarini yo'qotishi.

Jangarilar seshanba ertalab Musul va uning tevaragida kurdlarning manzillarini har tomondan nishonga ola boshlagan. Radikal to'da ham og'ir qurollar, ham suiqasd hujumchilarni ishga solmoqda.

Amerika o'z navbatida shahar yonida "Islomiy davlat" manzillari, mashina va qurol omborlarini bombardimon qilmoqda.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG