Breaking News

Bing'ozida AQSh konsulligiga hujumda ayblangan jangari yo'q qilindi


AQShning Bing'ozidagi konsulligi, 2012
AQShning Bing'ozidagi konsulligi, 2012

Qo'shma Shtatlar o'tgan hafta Iroq shimolida amalga oshirgan havo hujumida "Islomiy davlat"ning yirik vakilini yo'q qilgan.

Bu shaxs 2012-yilda Liviyaning Bing'ozi shahrida AQSh konsulligiga hujumga aloqador ekani aytiladi. O'shanda amerikalik to'rt fuqaro, jumladan, elchi Kristofer Stivens o'lgan edi.

Pentagon matbuot kotibi, polkovnik Stiv Vorrenning aytishicha, Mosulda 15-iyun kungi havo hujumida Ali Avni al-Harzi nobud bo'lgan. U "Islomiy davlat"ning Afrika shimoli va Yaqin Sharqdagi bo'limlari bilan yaqindan ishlagan.

Polkovnik Vorren al-Harzini Bing'ozi fojeasi yuzasidan qidirilayotgan shaxs deya ta'riflaydi.

Uning o'limi "Islomiy davlat" to'dasining Afrika shimolidan odam yollash va Suriya hamda Iroqqa jo'natish salohiyatini zaiflashtiradi, deydi Pentagon rasmiysi.

Al-Harzi shu yilning boshida Davlat departamentining terrorchilar ro'yxatiga tushgan edi. U 2011-yilda Tunisda jangarilar safiga qo'shilgan va shundan beri jangarilar va qurol-aslaha qatnoviga ko'z-quloq bo'lib turgan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG