"Islomiy davlat" Afg'onistonda radio ochdi

  • Amerika Ovozi

Nangarhar viloyati

Nangarhar viloyati

Afg'onistonda "Islomiy davlat" guruhi "Xalifalik radiosi"ni ishga tushirgan. Unda ko'zga ko'ringan mahalliy jurnalistlaridan biri ishlayotgani aniqlangan. Uning ovozi Nangarhar viloyati poytaxti Jalolobodda hamda qo'shni tumanlarda yangrayotgan yangi radio to'lqinlarida eshitilgan.

Endi u Afg'oniston hukumati va xalqaro tashkilotlar uchun ishlaydigan jurnalistlarga qarata o'lim tahdidlarini o'qimoqda.

"Jalolobodda har xil media tashkilotlarida ishlayotgan barcha jurnalistlarning uy manzillarini bilaman. Biz ularni topamiz va o'ldiramiz", - deydi "Islomiy davlat" radiosining boshlovchisi.

Nangarharda mahalliy va xalqaro ommaviy axborot vositalari uchun 50 ta jurnalist ishlashi aytiladi.

Viloyat gubernatori matbuot kotibi Atoulloh Xogianayning aytishicha, hukumat jurnalistlarga nisbatan yangragan tahdidlardan xabardor va bunga qarshi tegishli choralar ko'rilmoqda.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG