Isroil sharqiy Quddusda yana uylar qurishga kirishmoqda

  • Amerika Ovozi

Isroil hukumati sharqiy Quddusda yana uylar qurishni boshlaydi. Bosh vazir Benyamin Netanyaxu 454 ta imorat barpo etish uchun yer ajratilishiga ruxsat bergan.

G'arb davlatlarining, asosan, AQShning e'tiroziga sabab bo'lib kelayotgan bu loyiha anchadan beri muzlatilgan edi.

Qurilish rejalanayotgan Ramat Shlomo mahallasi Falastin o'z davlati uchun mo'ljallab qo'ygan yerda joylashgan. 2010-yilda ilk bor bu loyiha haqida e'lon qilinganida, AQSh Vitse-prezidenti Jo Bayden Isroilni tanqid qilgan edi.

"Bu kabi qurilishlar noqonuniy va tinchlik yo'liga g'ov. Bir tomonlama qarorlarga qarshimiz", - deydi AQSh Davlat departamenti so'zlovchisi Mark Toner.

Yaqinda qonli namoyishlar va Isroil fuqarolariga qarshi hujumlarga turtki bergan masala ham shu - qurilish. Ammo yahudiy davlati bu loyihalar o'z xavfsizligini ta'minlash uchun g'oyat muhim, deya da'vo qiladi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG