Italiya Bosh vaziri Silvio Berluskoni iste’fo berdi

  • Amerika Ovozi

Silvio Berluskoni Prezident Jorjio Napolitano bilan uchrashuvdan so'ng. Rim. 12 noyabr 2011-yil

Silvio Berluskoni Prezident Jorjio Napolitano bilan uchrashuvdan so'ng. Rim. 12 noyabr 2011-yil

Oxirgi 17 yil davomida Italiya siyosatida yetakchilik qilib kelgan Silvio Berluskoi bugun bosh vazirlik lavozimini tark etdi.

U prezident Jorjio Napolitanoga iste'fo arizasini topshirgan. Rimdagi "Kirinale" prezident saroyidan chiqib kelgan Berluskonini minglab odamlar qarsaklar bilan kutib oldi. “Masxaraboz” deya hayqiriqlar yangradi.

Italiya Bosh vaziri Silvio Berluskoni iste’fo berdi

Italiya Bosh vaziri Silvio Berluskoni iste’fo berdi

1994 yildan beri bosh vazirlikka uch bor saylangan Berluskoni korrupsiya va poraxo’rlikda bir necha marta ayblangan va hatto sudga tortilgan.

Lekin omma orasida unga nisbatan asosiy tanqid - iqtisodni ishdan chiqargani va mamlakat tashqi qarzini kamaytira olmaganligi.

Multimillarder, dunyodagi eng badavlat kishilardan biri bo'lmish Berluskoni jinsiy tajovuz va ta’qibda ham ayblangan.

Siyosatchining ayollarga munosabati matbuotda keng yoritiladi. 75 yoshli Berluskoni Italiyaning eng yirik axborot vositalari egasi.

Italiya Bosh vaziri Silvio Berluskoni iste’fo berdi

Italiya Bosh vaziri Silvio Berluskoni iste’fo berdi

Prezident Napolitano mamlakatning muvaqqat bosh vazirini tayinlashi kerak.

Bu lavozimga Yevropa Ittifoqining sobiq rasmiysi Mario Monti loyiq ko'rilmoqda.

Shu haftada Italiya parlamenti iqtisodiy islohotlar haqidagi yangi dasturni tasdiqladi.

Iqtisodi jar yoqasida turgan Italiya taqdiri endi yangi hukumat zimmasiga yuklatiladi.

Mario Monti tajribali iqtisodchi, xalqaro sahnada obro’-e’tiborga ega.

Italiya Bosh vaziri Silvio Berluskoni iste’fo berdi

Italiya Bosh vaziri Silvio Berluskoni iste’fo berdi

U birinchi navbatda qarz masalasini hal qilishi kerak. Italiya yevrozonaga qo’shilganidan buyon uning tashqi krediti oshib bormoqda, yaqinda 7 foizga yetdi.

Yaqinda Irlandiya, Gretsiya va Portugaliya qarzi aynan shu darajaga yetganida, vaziyat inqiroz deya baholanib, Yevropa Ittifoqidan ko’mak so’ragan edi.

AQSh prezidenti Barak Obama, Fransiya prezidenti Nikolya Sarkozi va Xalqaro Valyuta Jamg’armasi rahbari Kristin Lagard Italiyada yangi hukumat tezda tuziladi degan umidda.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG