Kerri Keniyada terrorga qarshi kurashni muhokama qildi

  • Amerika Ovozi

Kerri Nayrobida 1998-yilda xuruj sodir etilgan joyga gulchambar qo'ymoqda

Kerri Nayrobida 1998-yilda xuruj sodir etilgan joyga gulchambar qo'ymoqda

Keniyaga borgan AQSh Davlat kotibi Jon Kerri bu mamlakatda 1998-yilgi xurujda nobud bo'lganlarni xotirladi. O'shanda AQSh elchixonasi portlatilgan edi.

"Qo'shma Shtatlar terrorga qarshi kurashni qo'llab-quvvatlashda davom etadi", - dedi Kerri.

Unga ko'ra, terrorchilar hech qachon ustun kela olmaydi, odamlar ko'ngliga qo'rquv solib, ularni bo'lib qo'ya olmaydi.

"Kelajak ularniki emas", - dedi Kerri.

Davlat kotibi Keniya Prezidenti Uxuru Kenyatta bilan uchrashib, qo'shni Somalida qo'nim topgan al-Shabab jangari guruhiga qarshi kurashning samarali yo'llari xususida fikr almashdi.

Terrorchilar 2013-yilda ham Keniyani nishonga olgan. O'shanda poytaxt Nayrobidagi savdo markazida odamlar garovga olingan edi. O'tgan oy esa al-Shabab Garissa universitetiga hujum qilib, ko'plab talabalarni o'ldirgan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG